Canfod pwy yw eich cyflenwr trydan neu nwy

Os nad ydych chi’n gwybod pwy sy’n cyflenwi eich trydan a’ch nwy, gallwch ganfod enwau eich cyflenwyr ar-lein.

Os ydych chi’n gwybod mai’r un cwmni sy’n cyflenwi eich trydan a’ch nwy, mae’n haws dilyn y cyfarwyddiadau i ganfod pwy yw eich cyflenwr nwy.

Canfod pwy yw eich cyflenwr nwy

I ganfod pwy sy’n cyflenwi eich nwy gallwch chi wneud un o’r canlynol:

• chwilio am eich cod post yng ngwefan Find My Supplier

• cysylltu â Llinell Gymorth Rhif Mesurydd

Holwch am Gyfeirnod eich Mesurydd (MPRN). Efallai y bydd angen hwn arnoch pan fyddwch yn cofrestru â chyflenwr nwy newydd.

Canfod pwy yw eich cyflenwr trydan

I ganfod pwy sy’n cyflenwi eich trydan, bydd angen i chi wirio pwy yw eich gweithredwr rhwydwaith.  Dyma pwy sydd berchen ar y ceblau yn eich ardal ac yn eu gweithredu. 

Gwiriwch pwy yw eich gweithredwr rhwydwaith trydan ar wefan Power Cut 105. Bydd angen i chi wybod beth yw cod post eich eiddo. 

Os byddwch chi’n cael neges gwall, diweddarwch y dudalen a rhoi eich cod post eto. 

Ar ôl canfod pwy yw gweithredwr y rhwydwaith, ewch i’w gwefan i chwilio am eich cyflenwr trydan. Fel arfer mae modd chwilio gyda chod post eich eiddo, ond mae rhai gweithredwyr rhwydwaith yn gofyn i chi lenwi ffurflen. 

Os mai un o’r canlynol yw eich gweithredwr rhwydwaith, dyma sydd angen ei wneud:

• National Grid - gwiriwch pwy yw eich cyflenwr ar wefan National Grid

• Scottish and Southern Electricity Network - gwiriwch pwy yw eich cyflenwr ar wefan National Scottish and Southern Electricity Network 

• Northern Powergrid - gwiriwch pwy yw eich cyflenwr ar wefan Northern Powergrid

• Electricity North West - gwiriwch pwy yw eich cyflenwr ar wefan Electricity North West

• SP Energy Networks - gwiriwch pwy yw eich cyflenwr ar wefan SP Energy Networks

• UK Power Networks -gwiriwch pwy yw eich cyflenwr ar wefan UK Power Networks