Beth i ddod gyda chi i'ch ymweliad a Chyngor ar Bopeth lleol

Pan fyddwch chi'n ymweld â'ch Cyngor ar Bopeth lleol, mae'n bwysig bod gan y cynghorydd rydych chi'n siarad ag ef gymaint o wybodaeth â phosib am eich achos. 

Os nad oes gennych chi bopeth, peidiwch â phoeni - dewch â chymaint ag y gallwch chi ddod o hyd iddo.

Os na fyddwch chi'n dod â'r gwaith papur angenrheidiol gyda chi efallai y bydd yn rhaid i chi ddod yn ôl rywbryd eto. Mae hyn yn golygu y gallai gymryd mwy o amser i chi gael yr help sydd ei angen arnoch.

Gall fod yn bwysig cael cymorth cyn gynted â phosibl oherwydd efallai mai dim ond ychydig o amser sydd gennych i weithredu.

Problemau gyda budd-daliadau

Dylech ddod â:

• pob llythyr gan adrannau’r llywodraeth, fel yr Adran Gwaith a Phensiynau (DWP), er enghraifft, Canolfan Byd Gwaith, Gwasanaeth Pensiwn, neu’ch cyngor lleol

• unrhyw lythyrau penderfyniad nad ydych chi’n hapus â nhw neu eisiau eu herio - mae hyn yn hanfodol

• eich rhif yswiriant gwladol

• prawf o'ch incwm - er enghraifft, slipiau cyflog, llythyrau budd-daliadau neu gredydau treth

• cyfriflen banc - copi diweddaraf

• manylion unrhyw gynilion sydd gennych

• eich cytundeb tenantiaeth neu fanylion eich morgais

Gwiriad budd-dal lles

Os hoffech i gynghorydd wirio eich bod yn derbyn yr holl fudd-daliadau a chredydau treth y mae gennych hawl iddynt, dewch â’r wybodaeth ganlynol i bawb sy’n byw yn eich cartref:

• dyddiadau geni

• os ydych chi'n gyflogedig neu'n hunangyflogedig - nifer yr oriau a weithiwyd

• incwm gros o gyflogaeth ar gyfer y flwyddyn dreth ddiwethaf - Ebrill 6 i Ebrill 5 - bydd ffurflen P60 yn darparu hyn, neu os yn hunangyflogedig, cyfrifon y llynedd

• incwm gros ar gyfer eleni - slipiau cyflog neu amcangyfrif os ydych yn hunangyflogedig

• os ydych yn derbyn budd-daliadau ar hyn o bryd, dewch â'r holl lythyrau dyfarnu budd-dal

• costau gofal plant - manylion y darparwr gofal plant a faint rydych yn ei dalu

• incwm buddsoddi - manylion buddsoddiadau a thaliadau llog diweddaraf (efallai mai cyfriflenni banc yw'r ffordd orau o ddangos hyn)

• cytundeb tenantiaeth neu fanylion ad-dalu morgais cyfredol

• bil treth gyngor

Problemau dyled ac arian

Dylech ddod â:

• manylion eich incwm - er enghraifft, slipiau cyflog, llythyrau budd-daliadau neu gredydau treth

• cyfriflen banc - copi diweddaraf

• manylion pawb y mae arnoch arian iddynt a faint - dewch â'r datganiadau diweddaraf a'r galwadau am daliad

• copïau o unrhyw gytundebau benthyciad gwreiddiol

• copïau o unrhyw bapurau llys

• manylion gwariant eich cartref gan gynnwys faint rydych yn ei wario ar fwyd, cludiant, biliau ffôn ac ynni

• copïau o’r ohebiaeth ddiweddaraf yr ydych wedi’i derbyn – er enghraifft, llythyrau gan feilïaid

Problemau Tai

Dylech ddod â:

• eich cytundeb tenantiaeth ac unrhyw lythyrau gan eich landlord - os ydych yn rhentu

• manylion eich morgais - os oes gennych forgais

• unrhyw bapurau llys

• gweithredoedd teitl - os ydych yn berchen ar eich cartref

• prawf o'ch incwm - er enghraifft, slipiau cyflog, llythyrau budd-daliadau neu gredydau treth

Problemau cyflogaeth

Dylech ddod â:

• copi o'ch contract cyflogaeth

• manylion unrhyw faterion disgyblu, achwyn neu ddiswyddo

• unrhyw lythyrau diweddar gan eich cyflogwr

• eich llawlyfr staff, os oes gennych un

• copi o geisiadau tribiwnlys cyflogaeth - os ydych wedi gwneud rhai

• prawf o'ch incwm - er enghraifft, slipiau cyflog, llythyrau budd-daliadau neu gredydau treth

Materion teuluol a phersonol

Dylech ddod â:

• unrhyw waith papur neu lythyrau yn ymwneud â’r mater

• unrhyw ddogfennau llys neu gytundebau cyfreithiol

• prawf o'ch incwm - er enghraifft, slipiau cyflog, llythyrau budd-daliadau neu gredydau treth

• copi o'ch papurau ysgariad

Problemau defnyddwyr

Dylech ddod â:

• manylion llawn y nwyddau neu'r gwasanaethau sy'n achosi'r broblem

• copïau o unrhyw gontractau neu gytundebau credyd

• unrhyw lythyrau diweddar ynglŷn â’r broblem

• prawf o bryniant - fel derbynneb neu slip cerdyn credyd

• prawf o'ch incwm - er enghraifft, slipiau cyflog, llythyrau budd-daliadau neu gredydau treth

Problemau mewnfudo neu loches

Dylech ddod â:

• eich holl lythyrau gan y Swyddfa Gartref

• eich pasbort a manylion unrhyw fisas neu drwyddedau

• prawf o'ch incwm neu gymorth NASS - er enghraifft, slipiau cyflog, llythyrau budd-daliadau neu gredydau treth

Problemau arall

Dylech ddod ag unrhyw waith papur, llythyrau neu ohebiaeth arall sy'n ymwneud â'r mater.