Gweithiwr Achos Budd-daliadau Lles

Mae Cyngor ar Bopeth yn cynnig cyngor am ddim ar-lein, dros y ffôn ac wyneb yn wyneb, mewn cyfrinachedd. Trwy gyfrwng ein rhwydwaith genedlaethol o elusennau rydym ni’n rhoi’r wybodaeth a’r hyder sydd ei angen ar bobl i ganfod eu ffordd ymlaen – pwy bynnag ydyn nhw a beth bynnag yw eu problem.

Hoffech chi weithio i sefydliad sy’n gwneud gwahaniaeth, bob diwrnod, i bobl o bob cefndir? Mae’r pobl sy’n troi at Gyngor ar Bopeth angen cymorth i oresgyn rhwystrau yn eu bywyd a medrwch chi fod yn allweddol yn sicrhau’r cymorth a’r gefnogaeth sydd ei angen arnyn nhw yn y modd cyflymaf, rhwyddaf a mwyaf effeithiol.

Manylion amdanom ni

Mae CAB wedi bod yn gweithredu yn Sir Ddinbych ers 1949. Daeth Cyngor ar Bopeth Sir Ddinbych i fodolaeth ym mis Medi 2005, yn dilyn uno’r gwasanaethau a oedd yn bodoli eisoes yng ngogledd a de’r sir.

Rydym ni’n wasanaeth prysur sy’n gweithredu ledled y sir gyda dwy brif swyddfa. Mae’r swyddfeydd yn y Rhyl a Dinbych ac mae ein staff wedi’u lleoli yno. Rydym ni hefyd yn gweithredu gwasanaethau brysbennu cyngor yn y safleoedd hyn ac mewn lleoliadau allgymorth a digwyddiadau ar draws y sir.

Y swydd

Mae hwn yn gyfle cyffrous i’n cynorthwyo ni i fodloni’r galw cynyddol am ein gwasanaethau

cyngor a gwybodaeth yn y cyfnod heriol hwn. Mae profiad o waith achos Budd-daliadau Lles yn ofynnol.

Bydd eich gwaith achos yn cynnwys asesu amgylchiadau’r cleientiaid, cydgysylltu gyda nhw a thrydydd partïon, cynnal gwiriadau budd-daliadau, llenwi ffurflenni a herio penderfyniadau (ailystyriaethau gorfodol ac apeliadau).

Byddwch yn cael eich hyfforddi i ddefnyddio ein system a’n prosesau, gan sicrhau eich bod yn meddu ar yr holl sgiliau sydd eu hangen arnoch chi i lwyddo a ffynnu yn y swydd hon, gyda’r cyfle i wneud cynnydd yn ein sefydliad.

Mae manylion llawn am y swydd yn y pecyn swydd.

Mae’r swydd yn ddarostyngedig i wiriad datgelu a gwahardd manwl.

Bydd yn ofynnol i ymgeiswyr sy’n cael eu gwahodd i gyfweliad roi cyflwyniad cryno ar ddechrau’r cyfweliad. Rhoir manylion llawn am hyn yn y llythyr gwahoddiad i gyfweliad.

Anfonwch ffurflenni cais wedi’u llenwi i finance@dcab.co.uk os gwelwch yn dda.