Cysylltwch â ni ynghylch eich cais am Gredyd Cynhwysol

Mae Credyd Cynhwysol yn fudd-dal sy’n cael ei dalu unwaith y mis. Efallai y byddwch chi’n gymwys i'w dderbyn os ydych chi’n ddi-waith neu ar gyflog isel.

Darllenwch weddill y cyngor ar ein gwefan

Mae cyngor ar ein gwefan i’ch helpu chi i wneud y canlynol:

• gweld a ydych chi’n gymwys i gael Credyd Cynhwysol

• gweld a ddylech chi symud i Gredyd Cynhwysol o fudd-daliadau eraill

• cael Credyd Cynhwysol os ydych chi’n sâl neu’n anabl

• gweld faint o Gredyd Cynhwysol y byddwch chi’n ei gael

Mae'r tîm Help i Hawlio yn gallu eich helpu chi â chamau cyntaf eich cais am Gredyd Cynhwysol. Gallwch chi siarad â nhw ar y ffôn neu ar sgwrs ar lein. Gallwch chi hefyd ddefnyddio ein gwasanaeth cyfnewid testun neu ein gwasanaeth galwad fideo ar gyfer Iaith Arwyddion Prydain (BSL).

Bydd cynghorwr yn gallu eich helpu i wneud y canlynol:

• gweld a ydych chi’n gymwys i gael Credyd Cynhwysol

• llenwi'r ffurflen gais am gredyd cynhwysol 

• paratoi at eich apwyntiad cyntaf yn y Ganolfan Waith

• check gwirio bod eich taliad cyntaf yn gywir

Siaradwch â ni ar-lein

Gallwch chi siarad â chynghorwr ar-lein am eich cais am Gredyd Cynhwysol.

Dechreuwch sgwrs drwy glicio ar y botwm ‘Siarad â chynghorwr’. Bydd y botwm hwn ar waelod eich sgrin os oes cynghorwr ar gael..

Gallwch chi siarad â chynghorwr ar-lein rhwng 8am a 6pm o ddydd Llun i ddydd Gwener. Nid oes modd siarad â chynghorwr ar wyliau y banc.

Ffoniwch ein rhif Help i Hawlio

Gallwch chi gysylltu â chynghorwr ar ein rhif Help i Hawlio, sef gwasanaeth ffôn rhad ac am ddim. Mae’r cynghorwyr ar gael rhwng 8am a 6pm o ddydd Llun i ddydd Gwener:

Lloegr: 0800 144 8 444

Yr Alban: 0800 023 2581

Cymru: 08000 241 220

Os hoffech chi siarad â chynghorwr yn Gymraeg ffoniwch rif Cymru.

Os oes angen cyfieithydd arnoch

Mae hi’n bosibl cael help mewn iaith nad yw’n Gymraeg neu Saesneg. Dylech chi wneud y canlynol:

• ffonio rhif Help i Hawlio'r wlad rydych chi’n byw ynddi

• dweud wrth y cynghorwr bod angen cyfieithydd arnoch chi

Bydd cyfieithydd yn ymuno â'r alwad ac yn cyfieithu ar eich cyfer chi a’r cynghorwr.

Os na allwch glywed na siarad ar y ffôn

Gallwch chi ddefnyddio ein gwasanaeth cyfnewid testun neu ein gwasanaeth galwad fideo ar gyfer Iaith Arwyddion Prydain (BSL) i siarad gyda ni am eich cais am Gredyd Cynhwysol.

Defnyddio ein gwasanaeth cyfnewid testun

Gallwch chi deipio’r hyn rydych chi am ei ddweud:

Relay UK (Lloegr): 18001 then 0800 144 8 444

Relay UK (Yr Alban): 18001 then 0800 023 2581

Relay UK (Cymru): 18001 then 08000 241 220

Gallwch chi ddefnyddio Relay UK gydag ap neu ffôn testun. Ni chodir tâl ychwanegol am ei ddefnyddio.

Dysgu sut mae defnyddio Relay UK ar wefan Relay UK.

Defnyddio ein gwasanaeth fideo ar gyfer Iaith Arwyddion Prydain (BSL)

Gallwch chi wneud galwad sy’n addas ar gyfer Iaith Arwyddion Prydain drwy ddefnyddio gwasanaeth fideo Relay ar eich cyfrifiadur, eich llechen neu’ch ffôn symudol.

Defnyddio ein gwasanaeth ar gyfer Iaith Arwyddion Prydain.

Sut mae cwyno

Gallwch ch gwyno os nad ydych chi’n hapus â’r gwasanaeth.

Darllenwch ein polisi ymddygiad

Mae gan y staff hawl i wneud eu gwaith heb gael eu trin yn wael - sut rydym ni’n ymdrin ag ymddygiad annerbyniol.