Problem gyda char ail law

Problem gyda char ail-law

Os oes rhywbeth o'i le gyda'ch car ail-law, efallai fod gennych hawl gyfreithiol i gael trwsio’r car, i gael y costau trwsio, neu i gael eich holl arian – neu rywfaint ohono – yn ôl. Mae hyn yn cynnwys os yw’r car wedi’i ddifrodi, os nad yw’n gweithio, neu os nad yw’n cyfateb i’r hysbyseb neu’r disgrifiad a gawsoch.

Ni fydd gennych hawl i unrhyw beth:

• os dywedwyd wrthych am y nam pan brynoch y car, a bod rhywun wedi egluro’n llawn beth oedd y broblem yn ei olygu

• os gwnaethoch chi archwilio'r car a bod problem y dylech fod wedi sylwi arni – tolc er enghraifft

• os mai chi achosodd y nam

• os yw’r nam yn arferol o ystyried faint mae’r car wedi cael ei ddefnyddio (gelwir hyn yn ‘draul dderbyniol’) – er enghraifft os oes angen newid padiau’r brêcs ar ôl iddynt gael eu defnyddio am amser hir

Mae eich hawliau fel cwsmer yn wahanol os ydych chi wedi newid eich meddwl am y car a does dim byd o’i le arno. Ewch i weld beth i’w wneud os ydych chi wedi newid eich meddwl am rywbeth rydych wedi'i brynu.

Start the online tool