Sut i ddarllen eich mesurydd nwy clyfar

Does dim angen i chi ddarllen eich mesurydd clyfar fel arfer, gan fod mesuryddion clyfar yn anfon darlleniadau at eich cyflenwr yn awtomatig – ‘modd clyfar’ ydy'r enw ar hyn. Gallwch weld a ddylai eich mesurydd clyfar weithio yn y modd clyfar.

Mae’n bosibl y bydd rhaid i chi ddarllen eich mesurydd clyfar mewn rhai sefyllfaoedd, er enghraifft:

• os ydych chi newydd newid cyflenwr – fel arfer, bydd angen i chi anfon y darlleniad cyntaf eich hun


• os ydych chi’n newid cyflenwr a'u bod yn dweud nad ydynt yn gallu cysylltu â’ch mesurydd – gall hyn ddigwydd os oes gennych chi fesurydd clyfar hŷn


• os ydych chi eisiau gwirio eich darlleniad – er enghraifft, i weld sut mae wedi newid yn ddiweddar


Ffoniwch eich cyflenwr i roi’r darlleniad iddynt – neu gwiriwch os gallwch chi gyflwyno darlleniad ar eu gwefan neu ar ap.

Os nad ydych chi’n gallu cyrraedd eich mesurydd, efallai y bydd eich cyflenwr ynni yn gallu rhoi cymorth ychwanegol i chi i ddarllen neu symud eich mesurydd. Gallwch chi weld a oes modd i chi gael cymorth ychwanegol gan eich cyflenwr ynni.

Gwiriwch eich mesurydd – nid eich monitor ynni clyfar

Pan fyddwch chi’n cael mesurydd clyfar, fel arfer byddwch chi hefyd yn cael dyfais symudol fach gyda sgrin arni. 'Monitor ynni clyfar' neu 'ddangosydd yn y cartref' (IHD) ydy enw’r ddyfais – mae naill ai'n plygio i mewn i soced neu'n rhedeg ar fatris.

Mae’n hawdd drysu rhwng eich mesurydd clyfar a’ch IHD.

Gallwch chi weld sut mae defnyddio’r IHD ar gyfer eich mesurydd clyfar.

Enghraifft

Enghraifft o ddangosydd yn y cartref (IHD).

Efallai y byddwch chi’n gallu cymryd darlleniad o'r dangosydd (IHD), ond mae'n well cymryd un oddi ar y mesurydd ei hun. Bydd y mesurydd yn cael ei osod ar wal neu ar ddarn o fwrdd – fel arfer, bydd yn cael ei osod mewn cwpwrdd cegin neu flwch ar wal y tu allan i’ch cartref.

Enghraifft

Enghraifft o fesurydd clyfar.

Darllen eich mesurydd nwy clyfar

Mae’r ffordd rydych chi’n cymryd darlleniad o fesurydd nwy clyfar yn dibynnu ar y math o fesurydd sydd gennych chi.

Os oes botymau A a B o dan y sgrin ar eich mesurydd

Enghraifft

Os mai 0000256.3 yw’r rhif ar y dangosydd, 256 yw darlleniad y mesurydd.

I ddarllen y mesurydd:

1. Pwyswch y botwm A

2. Pwyswch y botwm A unwaith eto nes byddwch chi’n gweld ‘METER INDEX’, rhifau ac yna ‘M3’

3. Ysgrifennwch y rhifau o’r chwith i’r dde

4. Dylech chi anwybyddu unrhyw nodau sero ar y dechrau, yn ogystal ag unrhyw rifau ar ôl y pwynt degol

Os oes gan eich mesurydd 3 botwm coch sgwâr

Enghraifft

Os mai 000135.658 yw’r rhif ar y dangosydd, 135 yw darlleniad y mesurydd.

Gallai’r 3 botwm coch ar eich mesurydd ddweud ‘A’, ‘B’ ac ‘C’.

I ddarllen y mesurydd:

1. Pwyswch y botwm chwith – dylai ddweud ‘A’

2. Ysgrifennwch y rhifau o’r chwith i’r dde

3. Dylech chi anwybyddu unrhyw nodau sero ar y dechrau, yn ogystal ag unrhyw rifau ar ôl y pwynt degol os oes un

Os oes botwm cylch a dau fotwm saeth ar eich mesurydd

Enghraifft

Os mai 00063.236 yw’r rhif ar y dangosydd, 63 yw darlleniad y mesurydd.

I ddarllen y mesurydd:

1. Pwyswch y botwm cylch canol

2. Ysgrifennwch y rhifau o’r chwith i’r dde

3. Dylech chi anwybyddu unrhyw nodau sero ar y dechrau, yn ogystal ag unrhyw rifau ar ôl y pwynt degol os oes un

Os oes bysellbad ar eich mesurydd

Enghraifft

Os mai 00063.5 yw’r rhif ar y dangosydd, 63 yw darlleniad y mesurydd.

I ddarllen y mesurydd:

1. Pwyswch 9 - fe welwch ‘VOLUME’ ar y sgrin

2. Arhoswch nes y bydd yn newid - fe welwch rifau ac yna ‘M3’

3. Ysgrifennwch y rhifau o’r chwith i’r dde

4. Dylech chi anwybyddu unrhyw nodau sero ar y dechrau, yn ogystal ag unrhyw rifau ar ôl y pwynt degol os oes un

Os oes botymau saeth oren a glas ar eich mesurydd

Enghraifft

Os mai 000135.658 yw’r rhif ar y dangosydd, 135 yw darlleniad y mesurydd.

I ddarllen y mesurydd:

1. Pwyswch y botwm oren unwaith neu fwy nes i chi weld rhif ac yna ‘M3’

2. Ysgrifennwch y rhifau o’r chwith i’r dde

3. Dylech chi anwybyddu unrhyw nodau sero ar y dechrau, yn ogystal ag unrhyw rifau ar ôl y pwynt degol os oes un

Os oes dau fotwm gwyn i'r dde o'r sgrin ar eich mesurydd

Enghraifft

Os mai 000135.658 yw’r rhif ar y dangosydd, 135 yw darlleniad y mesurydd.

Dylai’r canlynol fod wedi ei ysgrifennu ar eich mesurydd: ‘EDMI’.

I ddarllen y mesurydd:

1. Pwyswch y botwm ar y dde – efallai ei fod wedi’i labelu ag ‘OK’ neu efallai fod saeth arno

2. Ysgrifennwch y rhifau o’r chwith i’r dde

3. Dylech chi anwybyddu unrhyw nodau sero ar y dechrau, yn ogystal ag unrhyw rifau ar ôl y pwynt degol os oes un

Os oes botwm i'r chwith a’r dde o'r sgrin ar eich mesurydd

Enghraifft

Os mai 12345.678 yw’r rhif ar y dangosydd, 12345 yw darlleniad y mesurydd.

Dylai’r canlynol fod wedi ei ysgrifennu ar eich mesurydd: ‘G4’ a ‘GWi.

I ddarllen y mesurydd:

1. Pwyswch y botwm ar ochr dde’r sgrin i ddeffro eich mesurydd

2. Pwyswch yr un botwm unwaith neu fwy nes i chi weld rhif ac yna ‘M3’

3. Mae’n bosibl bod rhif fel 01 neu 02 ar ochr chwith y sgrin - anwybyddwch y rhif hwn, nid yw'n rhan o'r darlleniad

4. Ysgrifennwch y rhifau o’r chwith i’r dde

5. Dylech chi anwybyddu unrhyw nodau sero ar y dechrau, yn ogystal ag unrhyw rifau ar ôl y pwynt degol

Os nad yw eich mesurydd chi ar y dudalen hon

Gwiriwch i weld a yw eich mesurydd yn dweud ‘M3’ ar ôl y darlleniad. Os yw’n dweud ‘KWH’, mae’n fesurydd trydan.

Os nad ydych chi’n siŵr a yw'n fesurydd clyfar, mae’n bosibl mai mesurydd safonol ydyw. Edrychwch i weld sut mae darllen mesurydd nwy safonol.

Os oes angen i chi hefyd ddarllen mesurydd trydan clyfar

Rhagor o wybodaeth am sut i ddarllen eich mesurydd trydan clyfar.