Faint o Lwfans Gweini allwch chi ei gael

Mae dwy ‘gyfradd’ y Lwfans Gweini - byddwch chi naill ai’n cael £73.90 neu £110.40 yr wythnos. Gallwch chi wario'r arian ar unrhyw beth - fe allai eich helpu chi i fyw’n annibynnol yn eich cartref am gyfnod hirach.

Bydd y swm a gewch yn dibynnu ar y canlynol:

• eich anawsterau

• faint o help neu oruchwyliaeth sydd ei angen arnoch

• pryd rydych chi angen cymorth neu oruchwyliaeth

Yr enw ar y ddwy gyfradd yw'r gyfradd is a'r gyfradd uwch.

Cyfradd is - £73.90 yr wythnos

Byddwch chi’n cael y swm hwn os ydych chi angen help neu oruchwyliaeth yn ystod y dydd yn unig, neu yn ystod y nos yn unig.

Cyfradd uwch - £110.40 yr wythnos

Byddwch chi’n cael y swm hwn os ydych chi angen help neu oruchwyliaeth yn ystod y dydd a’r nos. 

Y Lwfans Gweini a’ch budd-daliadau eraill

Os oes unrhyw un oedran gweithio yn byw gyda chi bydd eich aelwyd yn cael ei heithrio rhag y ‘cap ar fudd-daliadau’. Mae hyn yn golygu na fyddwch chi, na phobl eraill yn eich cartref, yn cael llai o fudd-daliadau os ydych chi’n cael y Lwfans Gweini.

Ni fyddwch chi’n cael hawlio Lwfans Gweini os ydych chi’n barod yn cael:

• Lwfans Byw i'r Anabl (DLA)

• Taliad Annibyniaeth Personol (PIP)

• Taliad Anabledd Oedolion

Y camau nesaf

Sut i hawlio Lwfans Gweini