Sut i ddarllen eich mesurydd trydan clyfar

Does dim angen i chi ddarllen eich mesurydd clyfar fel arfer, gan fod mesuryddion clyfar yn anfon darlleniadau at eich cyflenwr yn awtomatig – ‘modd clyfar’ ydy'r enw ar hyn. Gallwch weld a ddylai eich mesurydd clyfar weithio yn y modd clyfar.

Mae’n bosibl y bydd rhaid i chi ddarllen eich mesurydd clyfar mewn rhai sefyllfaoedd, er enghraifft:

• os ydych chi newydd newid cyflenwr – fel arfer, bydd angen i chi anfon y darlleniad cyntaf eich hun

• os ydych chi’n newid cyflenwr a'u bod yn dweud nad ydynt yn gallu cysylltu â’ch mesurydd – gall hyn ddigwydd os oes gennych chi fesurydd clyfar hŷn

• os ydych chi eisiau gwirio eich darlleniad – er enghraifft, i weld sut mae wedi newid yn ddiweddar

Ffoniwch eich cyflenwr i roi’r darlleniad iddynt – neu gwiriwch os gallwch chi gyflwyno darlleniad ar eu gwefan neu ar ap.

Os nad ydych chi’n gallu cyrraedd eich mesurydd, efallai y bydd eich cyflenwr ynni yn gallu rhoi cymorth ychwanegol i chi i ddarllen neu symud eich mesurydd. Gallwch chi weld a oes modd i chi gael cymorth ychwanegol gan eich cyflenwr ynni.

Gwiriwch eich mesurydd – nid eich monitor ynni clyfar

Pan fyddwch chi’n cael mesurydd clyfar, fel arfer byddwch chi hefyd yn cael dyfais symudol fach gyda sgrin arni. 'Monitor ynni clyfar' neu 'ddangosydd yn y cartref' (IHD) ydy enw’r ddyfais – mae naill ai'n plygio i mewn i soced neu'n rhedeg ar fatris. 

Mae’n hawdd drysu rhwng eich mesurydd clyfar a’ch IHD.

Gallwch chi weld sut mae defnyddio’r IHD ar gyfer eich mesurydd clyfar.

Enghraifft

Enghraifft o ddangosydd yn y cartref (IHD).

Efallai y byddwch chi’n gallu cymryd darlleniad o'r IHD, ond mae'n well cymryd un oddi ar y mesurydd ei hun. Bydd y mesurydd yn cael ei osod ar wal neu ar fwrdd – fel arfer, bydd yn cael ei osod mewn cwpwrdd cegin neu flwch ar wal y tu allan i’ch cartref.

Enghraifft

Enghraifft o fesurydd clyfar.

Darllen eich mesurydd trydan clyfar

Mae’r ffordd rydych chi’n cymryd darlleniad o fesurydd trydan clyfar yn dibynnu ar y math o fesurydd sydd gennych chi.

Os oes bysellbad ar eich mesurydd

Enghraifft

Os mai 0012565.3 yw’r rhif ar y dangosydd, 12565 yw darlleniad y mesurydd.

Mae’r ffordd o ddarllen eich mesurydd yn dibynnu ar y canlynol:

• os ydych chi’n talu cyfradd sengl bob amser

• os ydych chi’n talu dwy gyfradd – un gyfradd yn ystod y dydd a chyfradd ratach yn ystod y nos

Mae’r rhan fwyaf o bobl yn talu cyfradd sengl bob amser. Os oes gennych chi fesurydd ‘Economi 7’, rydych chi’n talu dwy gyfradd. Os nad ydych chi’n siŵr, edrychwch ar eich bil i weld a ydych chi’n talu dwy gyfradd.

Os oes botymau A a B o dan y sgrin ar eich mesurydd

Enghraifft

Os mai 0011256.3 yw’r rhif ar y dangosydd, 11256 yw darlleniad y mesurydd.

I ddarllen y mesurydd:

1. Pwyswch y botwm A

2. Pwyswch y botwm A unwaith eto nes byddwch chi’n gweld ‘TOTAL ACT IMPORT’, rhifau ac yna’r llythrennau ‘KWH’

3. Ysgrifennwch y rhifau o’r chwith i’r dde

4. Dylech chi anwybyddu unrhyw nodau sero ar y dechrau, yn ogystal ag unrhyw rifau ar ôl y pwynt degol

Os oes botwm A gwyrdd i’r dde o’r sgrin a botwm B gwyn oddi tano ar eich mesurydd

Enghraifft

Os mai 0011256.3 yw’r rhif ar y dangosydd, 11256 yw darlleniad y mesurydd.

Mae’r ffordd o ddarllen eich mesurydd yn dibynnu ar y canlynol:

• os ydych chi’n talu cyfradd sengl bob amser

• os ydych chi’n talu dwy gyfradd – un gyfradd yn ystod y dydd a chyfradd ratach yn ystod y nos

Mae’r rhan fwyaf o bobl yn talu cyfradd sengl bob amser. Os oes gennych chi fesurydd ‘Economi 7’, rydych chi’n talu dwy gyfradd. Os nad ydych chi’n siŵr, edrychwch ar eich bil i weld a ydych chi’n talu dwy gyfradd.

Os oes tri botwm i'r dde o'r sgrin ar eich mesurydd

Enghraifft

Os mai 0011256.3 yw’r rhif ar y dangosydd, 11256 yw darlleniad y mesurydd.

Mae’r ffordd o ddarllen eich mesurydd yn dibynnu ar y canlynol:

• os ydych chi’n talu cyfradd sengl bob amser

• os ydych chi’n talu dwy gyfradd – un gyfradd yn ystod y dydd a chyfradd ratach yn ystod y nos

Mae’r rhan fwyaf o bobl yn talu cyfradd sengl bob amser. Os oes gennych chi fesurydd ‘Economi 7’, rydych chi’n talu dwy gyfradd. Os nad ydych chi’n siŵr, edrychwch ar eich bil i weld a ydych chi’n talu dwy gyfradd.

Os oes un botwm oren a dau fotwm glas ar eich mesurydd

Enghraifft

Os mai 12565 yw’r rhif ar y dangosydd, 12565 yw darlleniad y mesurydd.

Ar y mesuryddion hyn mae rhes o rifau ac yna’r llythrennau KWH.

I ddarllen y mesurydd:

• Pwyswch y botwm oren i'r chwith o'r sgrin

• Ysgrifennwch y rhifau o’r chwith i’r dde

• Dylech chi anwybyddu unrhyw nodau sero ar y dechrau, yn ogystal ag unrhyw rifau ar ôl y pwynt degol os oes un

Os oes dau fotwm gwyn i'r dde o’r sgrin ar eich mesurydd

Enghraifft

Os mai 0011256.3 yw’r rhif ar y dangosydd, 11256 yw darlleniad y mesurydd.

Dylai eich mesurydd fod â ‘Kaifa MA 120’ wedi ysgrifennu arno. Bydd yn newid yn awtomatig rhwng pedair sgrin wahanol, felly does dim angen i chi bwyso dim byd.

I ddarllen y mesurydd:

1. Arhoswch am y sgrin sy’n dangos rhifau ac yna’r llythrennau KWH

2. Ysgrifennwch y rhifau o’r chwith i’r dde

3. Dylech chi anwybyddu unrhyw nodau sero ar y dechrau, yn ogystal ag unrhyw rifau ar ôl y pwynt degol os oes un

Os oes dau fotwm i'r dde o'r sgrin ac mae un yn dweud ‘reconnect’

Enghraifft

Os mai 0023541.2 yw’r rhif ar y dangosydd, 23541 yw darlleniad y mesurydd.

Ar eich mesurydd bydd un botwm yn dweud 'reconnect' a botwm arall yn dweud 'display' neu 'display select'.

I ddarllen y mesurydd:

1. Pwyswch y botwm ‘display’ neu ‘display select’

2. Pwyswch y botwm ‘display’ neu ‘display select’ eto nes i chi weld rhifau ac yna’r llythrennau KWH

3. Ysgrifennwch y rhifau o’r chwith i’r dde

4. Dylech chi anwybyddu unrhyw nodau sero ar y dechrau, yn ogystal ag unrhyw rifau ar ôl y pwynt degol os oes un

Os oes botwm A gwyrdd a botwm B llwyd i'r dde o'r sgrin ar eich mesurydd

Enghraifft

Os mai 00256 yw’r rhif ar y dangosydd, 256 yw darlleniad y mesurydd.

I ddarllen y mesurydd:

1. Edrychwch ar y sgrin – does dim angen i chi bwyso unrhyw fotymau

2. Ysgrifennwch y rhif wrth ymyl ‘KWH’ o’r chwith i’r dde

3. Dylech chi anwybyddu unrhyw nodau sero ar y dechrau, yn ogystal ag unrhyw rifau ar ôl y pwynt degol os oes un

Os oes dau fotwm melyn sgwâr i'r chwith o'r sgrin ar eich mesurydd

Enghraifft

Os mai 12565.3 yw’r rhif ar y dangosydd, 12565 yw darlleniad y mesurydd.

Mae’r ffordd o ddarllen eich mesurydd yn dibynnu ar y canlynol:

• os ydych chi’n talu cyfradd sengl bob amser

• os ydych chi’n talu dwy gyfradd – un gyfradd yn ystod y dydd a chyfradd ratach yn ystod y nos

Mae’r rhan fwyaf o bobl yn talu cyfradd sengl bob amser. Os oes gennych chi fesurydd ‘Economi 7’, rydych chi’n talu dwy gyfradd. Os nad ydych chi’n siŵr, edrychwch ar eich bil i weld a ydych chi’n talu dwy gyfradd.

Os oes un botwm glas ac un botwm oren i'r dde o'r sgrin ar eich mesurydd

Enghraifft

Os mai 04183 yw’r rhif ar y dangosydd, 4183 yw darlleniad y mesurydd.

Mae’r ffordd o ddarllen eich mesurydd yn dibynnu ar y canlynol:

• os ydych chi’n talu cyfradd sengl bob amser

• os ydych chi’n talu dwy gyfradd – un gyfradd yn ystod y dydd a chyfradd ratach yn ystod y nos

Mae’r rhan fwyaf o bobl yn talu cyfradd sengl bob amser. Os oes gennych chi fesurydd ‘Economi 7’, byddwch chi’n talu dwy gyfradd. Os nad ydych chi’n siŵr, edrychwch ar eich bil i weld a ydych chi’n talu dwy gyfradd.

Os nad yw eich mesurydd chi ar y dudalen hon

Gwiriwch i weld a yw’r llythrennau ‘KWH’ yn dod ar ôl y darlleniad. Os yw’n dweud ‘M3’, mesurydd nwy ydyw.

Os nad ydych chi’n siŵr a yw'n fesurydd clyfar, mae’n bosibl mai mesurydd safonol ydyw. Edrychwch i weld sut mae darllen mesurydd trydan safonol.

Os oes angen i chi hefyd ddarllen mesurydd nwy clyfar

Rhagor o wybodaeth am sut i ddarllen eich mesurydd nwy clyfar.