Gweld faint o Fudd-dal Tai y gallwch chi ei gael

Fel arfer, bydd terfyn ar eich Budd-dal Tai fel ei fod yn ddigon i dalu am fflat un ystafell neu ystafell mewn tŷ neu fflat a rennir, a dim mwy. Mae hyn yn golygu, os ydych chi’n rhentu fflat 1 ystafell wely ar eich pen eich hun, efallai na fydd eich taliad yn ddigon i dalu eich rhent llawn.

Fel arfer, ni fydd y terfyn yn berthnasol os:

• mae gennych chi rhywun arall yn byw gyda chi – er enghraifft plentyn neu gydletywr

• rydych chi’n ofalwr maeth

• rydych chi’n 16 oed o leiaf ac wedi byw mewn hosteli i bobl ddigartref am o leiaf 3 mis

• rydych chi’n 25 oed o leiaf ac wedi gadael y carchar dan y Trefniadau Amlasiantaethol ar gyfer Amddiffyn y Cyhoedd (MAPPA)

Os oeddech chi’n arfer bod mewn gofal, efallai na fydd y terfyn yn berthnasol nes eich bod yn 25 oed.

Os ydych chi’n anabl

Fel arfer, ni fydd y terfyn yn berthnasol os ydych chi’n cael un o’r budd-daliadau hyn:

• cyfradd safonol neu uwch elfen byw bob dydd y Taliad Annibyniaeth Bersonol

• y gyfradd ganol neu uchaf o elfen ofal y Lwfans Byw i’r Anabl

• Lwfans Gweini

• Taliad Anabledd i Bobl Oed Pensiwn

• Taliad Annibyniaeth y Lluoedd Arfog

• cyfradd safonol neu uwch elfen byw bob dydd y Taliad Anabledd Oedolion

Bydd y terfyn yn dal yn berthnasol os bydd rhywun yn cael Lwfans Gofalwr neu Daliad Cymorth i Ofalwyr am ofalu amdanoch chi.

Gallwch chi gael Budd-dal Tai ar gyfer fflat 2 wely os oes rhaid i rywun aros mewn ystafell ar wahân yn rheolaidd er mwyn iddynt allu rhoi gofal dros nos i chi.

Byddwch chi’n gymwys yn awtomatig i gael yr uchafswm o Fudd-dal Tai ar gyfer y math o eiddo sydd gennych chi os byddwch chi’n hawlio’r canlynol:

• Credyd Cynhwysol

• Cymhorthdal Incwm

• Lwfans Ceisio Gwaith yn seiliedig ar Incwm

• Lwfans Cyflogaeth a Chymorth yn seiliedig ar Incwm

• rhan warantedig Credyd Pensiwn

Gallai rhai pethau eich atal rhag cael yr uchafswm o hyd. Er enghraifft, os oes rhywun yn byw gyda chi a allai helpu i dalu’r rhent neu os oes gennych ystafell sbâr.

Gweld a yw’r cap budd-daliadau yn berthnasol i chi

Mae cyfyngiad ar faint o fudd-daliadau y gallwch chi eu cael bob wythnos. Gelwir hyn yn ‘cap budd-daliadau’.

Nid yw’r cap budd-daliadau yn berthnasol i chi os yw’r canlynol yn wir:

• rydych chi’n cael budd-daliadau penodol oherwydd eich bod yn sâl neu’n anabl – edrychwch ar y rhestr o fudd-daliadau ar GOV.UK

• rydych chi dros yr oedran cymhwyso ar gyfer Credyd Pensiwn – edrychwch ar eich oedran cymhwyso ar GOV.UK

• rydych chi’n byw mewn llety dros dro

• mae eich landlord yn elusen ac maen nhw’n rhoi gofal neu gymorth i chi - er enghraifft os ydych chi’n byw mewn tŷ gwarchod

Nid yw’r cap budd-daliadau’n berthnasol chwaith os gwnaethoch chi neu’ch partner rhoi’r gorau i weithio llai na 9 mis yn ôl. Rhaid i chi fod wedi gweithio am 50 wythnos yn y flwyddyn cyn i chi roi’r gorau i weithio a heb gael Cymhorthdal Incwm, Lwfans Ceisio Gwaith na Lwfans Cyflogaeth a Chymorth.

Gallwch chi weld sut bydd y cap ar fudd-daliadau yn effeithio arnoch chi os nad ydych chi’n siŵr.

Os yw’r cap budd-daliadau’n berthnasol i chi, ni all cyfanswm eich taliadau fod yn uwch na’r cap – hyd yn oed os ydych chi’n gymwys i gael y swm llawn o Fudd-dal Tai.

Os ydych chi’n byw gyda’ch partner, bydd eich cyngor lleol yn edrych ar faint y mae eich partner yn ei ennill wrth benderfynu ar eich taliadau Budd-dal Tai.

Bydd y cyngor hefyd yn edrych ar incwm unrhyw oedolion eraill rydych chi’n byw gyda nhw nad ydynt yn denantiaid neu’n lletywyr – er enghraifft mab neu ferch sy’n oedolyn. Gelwir y rhain yn unigolion ‘nad yw’n dibynyddion’.

Fel arfer, ni fyddwch yn cael yr uchafswm Budd-dal Tai os oes unigolyn nad yw’n dibynnydd yn byw gyda chi.

Gall eich canolfan Cyngor ar Bopeth leol eich helpu i weld a ddylech chi gael yr uchafswm Budd-dal Tai.

Byddwch chi’n gymwys yn awtomatig i gael yr uchafswm o Fudd-dal Tai ar gyfer y math o eiddo sydd gennych chi os byddwch chi’n hawlio’r canlynol:

• Credyd Cynhwysol

• Cymhorthdal Incwm

• Lwfans Ceisio Gwaith yn seiliedig ar Incwm

• Lwfans Cyflogaeth a Chymorth yn seiliedig ar Incwm

• rhan warantedig Credyd Pensiwn

Gallai rhai pethau eich atal rhag cael yr uchafswm o hyd. Er enghraifft, os oes rhywun yn byw gyda chi a allai helpu i dalu’r rhent neu os oes gennych ystafell sbâr.

Gweld a yw’r cap budd-daliadau yn effeithio arnoch chi

Mae cyfyngiad ar faint o fudd-daliadau y gallwch chi eu cael bob wythnos. Gelwir hyn yn ‘cap budd-daliadau’.

Nid yw’r cap budd-daliadau yn berthnasol i chi os yw’r canlynol yn wir:

• rydych chi’n cael budd-daliadau penodol oherwydd eich bod yn sâl neu’n anabl – edrychwch ar y rhestr o fudd-daliadau ar GOV.UK

• rydych chi dros yr oedran cymhwyso ar gyfer Credyd Pensiwn – edrychwch ar eich oedran cymhwyso ar GOV.UK

• rydych chi’n byw mewn llety dros dro

• your landlord’s a county council or housing association and they give you care or support – for example if you live in sheltered housing

Nid yw’r cap budd-daliadau’n berthnasol chwaith os gwnaethoch chi neu’ch partner rhoi’r gorau i weithio llai na 9 mis yn ôl. Rhaid i chi fod wedi gweithio am 50 wythnos yn y flwyddyn cyn i chi roi’r gorau i weithio a heb gael Cymhorthdal Incwm, Lwfans Ceisio Gwaith na Lwfans Cyflogaeth a Chymorth.

Gallwch chi weld sut bydd y cap ar fudd-daliadau yn effeithio arnoch chi os nad ydych chi’n siŵr.

Os yw’r cap budd-daliadau’n berthnasol i chi, ni all cyfanswm eich taliadau fod yn uwch na’r cap – hyd yn oed os ydych chi’n gymwys i gael y swm llawn o Fudd-dal Tai.

Fel arfer, ni fyddwch yn cael yr uchafswm Budd-dal Tai oherwydd bydd yr hyn a elwir yn ‘dreth ystafell wely’ neu’r ‘gymhorthdal ystafell sbâr’ yn berthnasol. Gallwch chi weld sut bydd y dreth ystafell wely yn effeithio ar eich Budd-dal Tai.