Ad-dalu gordaliad Budd-dal Tai

Bydd y cyngor fel arfer yn cymryd swm sylfaenol o hyd at £12.75 yr wythnos. Gallant gymryd hyd at £21.25 os yw’r gordaliad oherwydd ‘twyll’ - golygir hyn eu bod o’r farn eich bod wedi rhoi gwybodaeth anghywir iddynt yn fwriadol. 

Dim ond os anwybyddwyd rhan o’ch incwm wrth gyfrifo eich Budd-dal Tai y gall y cyngor gymryd mwy na’r swm sylfaenol - a elwir yn ‘anwybyddu enillion’. Os ydych yn ansicr, gwiriwch y llythyr sydd yn datgan faint o Fudd-dal Tai y byddwch yn ei dderbyn.

Fel arfer bydd y cyngor yn gofyn i’ch landlord dalu’r holl or-daliad iddynt mewn un taliad. Yna bydd y landlord yn gofyn i chi ad-dalu’r arian iddynt yn ogystal â’ch rhent. 

Os ydych yn rhentu gan landlord preifat neu asiantaeth osod byddent yn cydnabod y  gordaliad fel ‘ôl-ddyledion rhent’. 

Mae’n bwysig eich bod yn dechrau ei ad-dalu er mwyn i chi gael aros yn eich cartref - gallwch gael cymorth i ddelio ag ôl-ddyledion rhent.

Os ydych yn rhentu gan y cyngor, byddant yn ychwanegu’r  gordaliad i’ch cyfrif rhent. Nid yw’r gordaliad yn cyfrif fel ôl-ddyledion rhent, felly ni all y cyngor eich troi allan - ond bydd dal gofyn i chi ad-dalu’r ddyled. Gallwch gael cymorth i ddelio â’r dyledion neu ofyn i’ch Cyngor ar Bopeth agosaf eich helpu chi.

Efallai bydd y cyngor yn cymryd arian o’ch cyflog os ydych yn gweithio i gwmni sydd â 10 neu fwy o weithwyr. Nid oes rhaid iddynt ofyn am ganiatâd.

Bydd eich cyflogwr yn talu’r cyngor gan gymryd yr arian o’ch cyflog.

Dylech dderbyn 2 lythyr yn eich hysbysu o’r swm y bydd eich cyflogwr yn ei gymryd - 1 gan y cyngor a’r llall gan eich cyflogwr. 

Bydd y cyngor yn cyfrifo pa ganran o’ch cyflog i’w gymryd. Bydd y swm o arian y byddant yn ei gymryd yn ddibynnol ar faint rydych yn ei ennill. Os nad ydych yn meddwl y gallwch fforddio talu, gallwch ofyn i’r cyngor leihau’r swm y maen nhw’n cymryd oddi wrthych.

Os ydych yn ennill hyd at £100 yr wythnos neu hyd at £430 y mis, fel arfer ni fydd y cyngor yn cymryd dim oddi wrthych. 

Gall y cyngor gymryd mwy o arian oddi wrthych os yw’r  gordaliad oherwydd ‘twyll’. Yr hyn a olygir gan dwyll yw bod y cyngor o’r farn eich bod wedi rhoi gwybodaeth anghywir iddynt yn fwriadol. 

Os yw’r gordaliad oherwydd twyll 

Bydd y cyngor yn cymryd canran fwy o’ch cyflog. Gallant hefyd gymryd arian os ydych yn ennill £100 neu lai’r wythnos (£430 neu lai’r mis). 

Fel arfer ni fydd y cyngor yn cytuno i leihau’r swm maen nhw’n ei gymryd, ond efallai y gallwch gael cymorth ychwanegol i dalu am bethau eraill.

Os byddwch yn gadael eich swydd

Mae’n rhaid i chi ddweud wrth y cyngor os ydych wedi gadael - gan nodi pwy yw eich cyflogwr newydd, os oes gennych un.

Yn y rhan fwyaf o achosion, bydd yr Adran Gwaith a Phensiynau (DWP) yn lleihau eich taliad Credyd Cynhwysol o hyd at 15% o’ch ‘lwfans safonol’.

Eich lwfans safonol yw’r swm sylfaenol o Gredyd Cynhwysol rydych chi’n ei gael, ac eithrio symiau ychwanegol a elwir yn ‘elfennau’ - er enghraifft, ‘elfen costau tai’.

Gwiriwch beth allwch chi ei wneud os caiff eich Credyd Cynhwysol ei leihau neu ei atal.

Ni all y cyngor gymryd arian o Fudd-dal Plant neu Lwfans Gwarcheidwad.

Gallant gymryd arian oddi wrth unrhyw fudd-dal arall er mwyn ad-dalu eich  gordaliad Budd-dal Tai. 

Fel arfer, bydd y cyngor yn cymryd traean o’ch taliad budd-dal wythnosol. Bydd yr Adran Gwaith a Phensiynau (DWP) yn ysgrifennu atoch i’ch hysbysu o’r swm y byddant yn ei gymryd o’ch budd-dal ac am ba hyd.

Os nad ydych yn derbyn unrhyw fudd-daliadau ac nad yw’r cyngor yn cymryd unrhyw arian o’ch cyflog, bydd angen i chi ad-dalu’r cyngor yn uniongyrchol.

Bydd llythyr y cyngor yn egluro’r gwahanol ffyrdd y gallwch dalu’r arian, er enghraifft drwy ddefnyddio bancio ar-lein.

Gofynnwch i’ch cyngor lleol wneud un o’r canlynol:

• canslo rhan o’r gordaliad neu’r gordaliad cyfan

• caniatáu i chi dalu symiau llai dros gyfnod hirach o amser.

Gallwch ddod o hyd i fanylion cyswllt y cyngor ar GOV.UK. 

Bydd angen i chi ddangos na fyddech yn gallu fforddio hanfodion megis bwyd neu drydan os byddai rhaid i chi dalu mwy.

Fel arfer, ni fyddant yn newid eich taliadau os ydynt o’r farn bod y  gordaliadau oherwydd ‘twyll’ - golyga hyn eu bod o’r farn eich bod wedi rhoi’r wybodaeth anghywir iddynt yn fwriadol.

Cyn i chi ofyn a allwch newid eich taliadau, cyfrifwch beth y gallwch fforddio ei dalu.  Mae’n haws eu cael i newid eich taliadau os gallwch ddangos eich bod wedi gwirio faint y gallwch ei fforddio.

Os nad ydych yn gallu fforddio ad-dalu unrhyw beth o gwbl, gallwch ofyn i’r cyngor ganslo rhan o’r gordaliad neu’r gordaliad cyfan. Mae’n anarferol i’r cyngor gytuno i hyn. Efallai y byddant yn cytuno os yw’n anhebygol iawn y byddwch fyth yn gallu ad-dalu’r  gordaliad. Er enghraifft, efallai y bydden nhw’n canslo’r  gordaliad os oes gennych anabledd difrifol sy’n golygu ei bod yn anhebygol y byddwch yn ennill mwy yn y dyfodol.

Cyn i chi gysylltu â’r cyngor, gwiriwch a allwch gasglu tystiolaeth ychwanegol i ddangos pa mor anodd y byddai talu’r hyn maen nhw’n ofyn amdano. Er enghraifft, gallwch ofyn i’ch doctor ysgrifennu llythyr os bydd yr ad-daliadau’n peri anhawster oherwydd eich iechyd.

Bydd angen i chi gysylltu â’r Adran Gwaith a Phensiynau (DWP) neu eich cyngor lleol - mae’n dibynnu os ydych eisiau canslo, lleihau neu oedi eich taliadau. 

Os ydych chi eisiau canslo eich gordaliadau

Os nad ydych yn gallu fforddio ad-dalu unrhyw beth o gwbl, gallwch ofyn i’ch cyngor lleol ganslo cyfran neu eich holl or-daliad.  Mae’n anarferol i’r cyngor gytuno i hyn. Efallai y byddant yn cytuno os yw’n anhebygol iawn y byddwch fyth yn gallu ad-dalu’r  gordaliad. Er enghraifft, efallai y bydden nhw’n canslo’r  gordaliad os oes gennych anabledd difrifol sy’n golygu ei bod yn anhebygol y byddwch yn ennill mwy yn y dyfodol.

Cyn i chi gysylltu â’r cyngor, gwiriwch a allwch gasglu tystiolaeth ychwanegol i ddangos pa mor anodd y byddai talu’r hyn maen nhw’n ofyn amdano. Er enghraifft, gallwch ofyn i’ch doctor ysgrifennu llythyr os bydd yr ad-daliadau’n peri anhawster oherwydd eich iechyd.

Fel arfer, ni fydd y cyngor lleol yn canslo eich taliadau os yw’r  gordaliad oherwydd ‘twyll’ - golyga hyn eu bod o’r farn eich bod wedi rhoi’r wybodaeth anghywir iddynt yn fwriadol. 

Gallwch ddod o hyd i fanylion cyswllt y cyngor ar GOV.UK. 

Os ydych eisiau oedi neu leihau eich gordaliadau

Ffoniwch ganolfan gyswllt Rheoli Dyledion yr Adran Gwaith a Phensiynau (DWP). 

Cyn i chi gysylltu â’r Adran Gwaith a Phensiynau (DWP), gwiriwch a allwch gasglu tystiolaeth ychwanegol er mwyn profi pa mor anodd y byddai talu’r hyn maen nhw’n ofyn amdano. Er enghraifft, gallwch ofyn i’ch doctor ysgrifennu llythyr os bydd y  gordaliadau yn peri anhawster oherwydd eich iechyd. 

Gofynnwch i’ch cyngor lleol wneud un o’r canlynol:

• canslo rhan o’r gordaliad neu’r gordaliad cyfan

• caniatáu i chi dalu symiau llai dros gyfnod hirach o amser

Gallwch ddod o hyd i fanylion cyswllt y cyngor ar GOV.UK.  

Bydd angen i chi ddangos na fyddech yn gallu fforddio hanfodion megis bwyd neu drydan os byddai’n rhaid i chi dalu mwy.

Fel arfer, ni fyddant yn newid eich taliadau os yw eich  gordaliad oherwydd ‘twyll’ - mae hyn yn golygu eu bod o’r farn eich bod wedi rhoi’r wybodaeth anghywir iddynt yn fwriadol. 

Cyn i chi ofyn a allwch newid eich taliadau, cyfrifwch beth allwch fforddio ei dalu. Mae’n haws i’w cael i newid eich taliadau os gallwch ddangos eich bod wedi gwirio faint y gallwch ei fforddio. 

Os na allwch fforddio ad-dalu unrhyw beth o gwbl, gallwch ofyn i’r cyngor canslo rhan o’r gordaliad neu’r gordaliad cyfan. Mae’n anarferol i’r cyngor gytuno i hyn. Efallai y byddent yn cytuno os yw’n anhebygol iawn y byddwch fyth yn gallu ad-dalu eich  gordaliad. Er enghraifft, efallai y byddent yn canslo eich  gordaliad os oes gennych anabledd difrifol sy’n golygu nad yw’n debygol y byddwch yn ennill mwy yn y dyfodol.

Cyn i chi gysylltu â’r cyngor, gwiriwch a allwch gasglu tystiolaeth ychwanegol i ddangos pa mor anodd y byddai talu’r hyn maen nhw’n ofyn amdano. Er enghraifft, gallwch ofyn i’ch doctor ysgrifennu llythyr os bydd yr ad-daliadau’n peri anhawster oherwydd eich iechyd.